თბილისის მუნიციპალიტეტის საკრებულოს თავმჯდომარემ გიორგი ალიბეგაშვილმა სასწრაფო დახმარების ექიმებს, აფთიაქის თანამშრომლებს, ახალშობილთა დედებს, მეეზოვე და მეტროპოლიტენის თანამშრომელ ქალბატონებს დედის დღე მიულოცა.
თბილისის წარმომადგენლობითი ორგანოს თავმჯდომარე თითოეულ მათგანს ადგილზე პირადად ეწვია და სიმბოლური საჩუქრები გადასცა.
გიორგი ალიბეგაშვილმა მათ გაზაფხულის პირველი დღესასწაული, 3 მარტი მიულოცა და მშვიდობა, ჯანმრთელობა, ბედნიერება და სამშობლოსთვის საამაყო შვილების გაზრდა უსურვა.
მანვე გაწეული ამაგისა და ღვაწლისთვის ყველა დედას მადლობა გადაუხადა.
დღესვე საკრებულოს თავმჯდომარე ფონდ ,,იავნანას’’ მიერ გამართულ საქველმოქმედო კონცერტს დაესწრება.
3 მარტი დედის დღედ ოფიციალურად 1991 წელს დაწესდა.
