3 მარტს, 17 : 30, კინოთეატრ რუსთაველში ზურა ინაშვილის დოკუმენტური ფილმის „ხმა ამოიღეთ!“ პრემიერა გაიმართება. ფილმი გადაღებულია ეროვნული კინოცენტრის 2013 წლის კონკურსის საფუძველზე, გაეროს პროგრამა „გენდერული თანასწორობის ხელშეწყობისთვის საქართველოში“ მხარდაჭერით. ფილმი ეძღვნება ქალთა მიმართ და ოჯახში ძალადობის საკითხებს.
შეგახსენებთ, 2014 წელს საქართველოში ქალთა მიმართ ძალადობის, კერძოდ მკვლელობების, რეკორდული მაჩვენებელი დაფიქსირდა. საქართველოს პრეზიდენტმა კი 2015 წელი ქალთა წლად გამოაცხადა.