სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას მის ნათლულებსა და მათ ოჯახებს მოუწოდა მონახონ გაჭირვებული ადამიანები და შეძლებისდაგვარად დაეხმარონ მათ. ამასთან უწმინდესმა მის ნათულებს და ოჯახის წევრებს მოუწოდა 7 მარადმწვანე ნერგი დარგონ.
"ჩემს ნათლულებს და მათ მშობლებს ეძლევათ ლოცვა-კურთხევა, რომ გამონახონ გაჭირვებული ადამიანები. მრავალი ადამიანია მწოლიარე, მრავალ ადამიანს არ ჰყავს მომვლელი, წყლის მიმწოდებელიც კი. გამონახეთ ასეთი ადამიანები და კვირაში ერთხელ მაინც მიდით და შეძლებისდაგვარად დაეხმარეთ. ეს იქნება საჭმლით, ჩასაცმელით თუ თბილი სიტყვით", - ბრძანა უწმინდესმა.