ავერსის კლინიკის და ავერსის ტრადიციად ქცეული საქველმოქმედო აქციების სერია გრძელდება. 1 მარტს ავერსის კლინიკის ექიმებისა და ავერსის ორგანიზებით ეწყობა უფასო გამოკვლევა გასინჯვა თიანეთის რაიონის მოსახლეობისთვის.
ავერსის კლინიკის ექიმების მიერ თიანეთის რაიონში მცხოვრებ, კერძოდ საყდრიონის, ხევსურთსოფლის და დევენაანთ ხევის მოსახლეობას ჩაუტარდებათ ექოსკოპიური, ოფთალმოლოგიური, კარდიოლოგიური, ენდოკრინოლოგიური, პედიატრიული და ნევროლოგიური გამოკვლევები.
ავერსი, ტრადიციულად აქციაში მონაწილე ყველა მოსახლეს გადასცემს პირველადი დახმარების 17 დასახელების მედიკამენტებს.
ავერსი თითოეული მოქალაქის ჯანმრთელობაზე ზრუნავს, განსაკუთრებით კი მათზე ვისთვისაც მაღალი დონის სამედიცინო მომსახურება მიუწვდომელია. ამ რაიონში ცხოვრობენ საკმაოდ ხანდაზმული, 100 წელს გადაცილებული ადამიანები და ამ ადამიანების განსაკუთრებით ესაჭირდებათ სამედიცინო მხარდაჭერა . მსგავსი ტიპის აქციები ტრადიციაა და მომავალშიც კვლავ გაგრძელდება.
ამ ტიპის აქციები უკვე გაიმართა ყაზბეგში, შატილში, სამცხე-ჯავახეთში, ზემო რაჭაში, თუშეთში, უჯარმაში, გორის რაიონში, ადიგენის რაიონში, ზემო აჭარაში. აქციის ფარგლებში გაიცა 50 000 ლარზე მეტი ღირებულების მედიკამენტი.
