თბილისში, ხახანაშვილის ქუჩაზე სახლის სახურავი დაიწვა. როგორც ,,ჯი-ეიჩ-ენს” თბილისის საგანგებო სიტუაციების მართვის სამსახურში განუცხადეს ამ დროისთვის ცეცხლი უკვე ლიკვიდირებულია და შემთხვევის შედეგად არავინ დაშავეულა.
,,ავლაბარში, ხახანაშვილის ქუჩაზე დაიწვა, დაახლოებით, 80 კვ.მ-ის ფართის სახურავი ბარაკული ტიპის სახლზე. დაშავებული არავინაა. გავრცელდა ინფორმაცია რომ ხანძრის შედეგად რამდენიმე სახლი დაიწვა რაც სიმართლეს არ შეესაბამება. ადგილზე ექვსი ცისტერნა იყო გაგზავნილი და მხოლოდ ოთხის გამოყენება გახდა საჭირო ”, _აცხადებენ თბილისის საგანგებო სიტუაციების მართვის სამსახურში.
მათივე განმარტებით, ხანძრის გამომწვევ მიზეზებს გამოძიება დაადგენს.
