თბილისში, ჯავახიშვილის ქუჩაზე ორმხრივი მოძრაობა დაახლოებით 10 დღეში აღდგება.როგორც თბილისის მერმა დავით ნარმანიამ მიმდინარე სამუშაოების დათვალიერებისას განაცხადა ამ ეტაპზე სამუშაოების ბოლო ფაზა მიმდინარეობს.
,,კედელი, რომელიც ჩამოიშალა სრულად არის აღდგენილი და ძალიან მყარი ბეტონის მასით შეივსო. გარდა ამისა, კეთდება გვერდულები, მთლიანად გამოიცვალა მიწისქვეშა კომუნიკაცია, რომ უახლოესი მინიმუმ 10 წლის განმავლობაში რაიმე მიწისქვეშა სამუშაოები არ ჩატარდეს. ახლა სამუშაოების ბოლო ფაზა მიმდინარეობს, გზის ქვედა საფარის მომზადება, რომლის შემდეგაც დაიგება გზის საფარი. ჩვენ ძალიან მოწესრიგებული აღმართი გვექნება", - განაცხადა დავით ნარმანიამ.
შეგახსენებთ, რომ ჯავახიშვილის ქუჩაზე საყრდენი კედელი 12 იანვარს ჩამოიშალა.
