საქართველოს პარლამენტის ეროვნული ბიბლიოთეკა კომპანია „ჯეოსელსა“ და ბანკ „რესპუბლიკასთან“ პარტნიორობით ჩაატარებს ლიტერატურული ესსეების კონკურსს „წიგნიერი“. კონკურსში მონაწილეობა მე-9 და მე-10 კლასის მოსწავლეებს შეეძლებათ. „წიგნიერის“ მთავარი მიზანია კითხვის პოპულარიზაცია და სკოლის მოსწავლეების წახალისება.
„წიგნიერი“ ყოველწლიური იქნება და მასში მონაწილეობა ნებისმიერ მსურველს შეეძლება. კონკურსში სამი გამარჯვებული გამოვლინდება. „წიგნიერის“ გამარჯვებულები ეროვნული ბიბლიოთეკისგან, „ჯეოსელისა“ და ბანკი „რესპუბლიკისგან“ პრიზებს მიიღებენ.
„წიგნიერის“ პირობები: კონკურსში მონაწილეობისთვის სკოლის მოსწავლეებმა უნდა წაიკითხონ უილიამ გოლდინგის „ბუზთა ბატონი“, მიხეილ ჯავახიშვილის „ეშმაკის ქვა“ და თეონა დოლენჯაშვილის „ფიდაი, ანუ ამინა სამიდან ხუთამდე“. კონკურსის ჩატარების დღეს სკოლის მოსწავლეებმა ამ ნაწარმოებების მიხედვით ეროვნულ ბიბლიოთეკაში უნდა დაწერონ ესსე (დაახლოებით 600 სიტყვა), რომლის სათაური მათთვის წერის დღეს გახდება ცნობილი.
კონკურსის გამარჯვებულები 23 აპრილს, წიგნისა და საავტორო უფლებების საერთაშორისო დღეს, ეროვნულ ბიბლიოთეკაში საზეიმო ღონისძიებაზე გამოვლინდებიან.
საქართველოს პარლამენტის ეროვნული ბიბლიოთეკა, „ჯეოსელი“ და ბანკი „რესპუბლიკა“ გისურვებთ წარმატებას.
# # #
კონკურსში მონაწილეობისთვის საჭიროა:
23 თებერვლიდან 16 მარტის ჩათვლით შეავსოთ სარეგისტრაციო ბლანკი https://docs.google.com/forms/d/1Af3wt507ifcVdfrhZUx63v-OlI7mDewjRAXCZWFNae4/viewform : (დამატებითი კითხვებისთვის დაგვიკავშირდით, 032 2971618).
23 მარტს კონკურსანტები, ზემოთ ჩამოთვლილი ნაწარმოებების მიხედვით, დაწერენ ესსეს ორგანიზატორების მიერ მითითებული სათაურის მიხედვით საქართველოს პარლამენტის ეროვნულ ბიბლიოთეკაში.
23 აპრილს გამოვლინდებიან გამარჯვებულები და საქართელოს პარლამენტის ეროვნულ ბიბლიოთეკაში დაგეგმილ საზეიმო ღონისძიებაზე პრიზებით დაჯილდოვდებიან.
