დღეს, 23 თებერვალს, 13:00 საათზე თბილისში, საქართველოს პარლამენტის შიდა ეზოში, ხარების სახელობის სამლოცველოში 1921 წელს დაღუპულ იუნკერთა სულის მოსახსენიებელი პანაშვიდი აღევლინება, რომელსაც ქვეყნის პრეზიდენტი, პრემიერ-მინისტრი,პარლამენტის თავმჯდომარის მოადგილეები, დეპუტატები, მთავრობის წევრები,საპატრიაქოს წარმომადგენლები და იუნკერთა შთამომავლები დაესწრებიან.
საქართველოს პრეზიდენტი, პრემიერ-მინისტრი და პარლამენტის თავმჯდომარის პირველი მოადგილე იუნკერთა ხსოვნისადმი მიძღვნილ მემორიალურ დაფას გვირგვინებით შეამკობენ და სიტყვით მიმართავენ მოწვეულ სტუმრებს.
შეგახსენებთ, რომ 1921 წლის 25 თებერვალს რუსი ოკუპანტების შემოსვლას ქართველების მხრიდან საბრძოლო მოქმედებები მოჰყვა. კოჯორ-ტაბახმელასთან, სამშობლოს თავისულებისათვის უთანასწორო ბრძოლაში არაერთი ქართველი მებრძოლი და იუნკერი დაიღუპა. იუნკერთაპირველი მსხვერპლი ალექსანდრე ნეველის სახელობის ტაძრის (სობორო) ეზოში დაკრძალეს (ახლანდელი პარლამენტის სასახლის შიდა ეზო) .
