თბილისის მუნიციპალიტეტის საკრებულოში კონკურსის ‘’რა ძეგლს ვისურვებდი ჩემს ქალაქში’’ გამარჯვებულების დაჯილდოების ცერემონიალი გამიმართა.
ღონისძიებას თბილისის საკრებულოს თავმჯდომარე გიორგი ალიბეგაშვილი, დედაქალაქის მერი დავით ნარმანია და მერიის წარმომადგენლები ესწრებოდნენ. საკრებულოს ფოიეში თბილისის საჯარო სკოლების დაწყებითი კლასის 13 მოსაწავლის 17 ნამუშევარი იყო წარმოდგენილი, საიდანაც სამი ნამუშევარი გამოირჩა.
გამარჯვებულები თბილისის მერმა დავით ნარმანიამ, ‘’თბილისის ჰამქარისა’’ და სკოლა-სახელოსნო‘’ ტემპერის ’’წარმომადგენლებმა სიგელებითა და წამახალისებელი საჩუქრებით დააჯილდოვეს. საუკეთესო ნამუშევრები დედაქალაქის სკვერებში დაიდგმება.
როგორც საკრებულოს თავმჯდომარემ გიორგი ალიბეგაშვილმა აღნიშნა, დედაქალაქის წარმომადგენლობითი ორგანო ყოველთვის მზადაა ხელი შეუწყოს ასეთი სახის პროექტებს. ‘’ამ პატარა ხელოვანების ნამუშევრები, თემატიკის მიხედვით, შესაბამის სკვერებში დაიდგმება. ნაკეთობები არ იქნება დიდი, რომ ადგილს განსაკუთრებული ძიება დასჭირდეს, ამიტომ საკრებულოს სახელდებისა და სიმბოლიკის კომისიის მიერ გატარებული პროცედურების გავლის შემდეგ შეირჩევა ისეთი სკვერები, რომელსაც სამშვენისი აკლია“, - განაცხადა გიორგი ალიბეგაშვილმა.
დედაქალაქის მერმა დავით ნარმანიამ პატარებს გამარჯვება მიულოცა და სკვერებში მათი ნამუშევრების უახლოეს მომავალში დადმას დაჰპირდა.
კონკურსი ‘’რა ძეგლს ვისურვებდი ჩემს ქალაქში’’ თბილისის საკრებულოსა და დედაქალაქის მერიის მხარდაჭერით განხორციელდა.
