საქართველოში 22 თებერვლიდან გამოიდარებს და ტემპერატურაც მოიმატებს. როგორც ,,ჯი-ეიჩ-ენთან" საუბარში გარემოს დაცვის სამინისტროს მთავარმა სინოპტიკოსმა დოდო გვაზავამ განაცხადა ჰაერი დასავლეთ საქართველოში 19 გრადუსამდე, ხოლო აღმოსავლეთ საქართველოში 14 გრადუსამდე გათბება.
,,22 თებერვლიდან საქართველოს მთელს ტერიტორიაზე გამოიდარებს და 23 თებერვლიდან ტემპერტაურაც მოიმატებს. დასავლეთში საქართველოში ჰაერი 19 გრადუსამდე, აღმოსავლეთ საქართველოში კი 12-14 გრადუსამდე გათბება", -განაცხადა დოდო გვაზავამ.
მისივე თქმით, გამოიდარებს თბილისშიც და ჰაერი 10-12 გრადუსამდე გათბება.
,,თბილისში ხვალ ღრუბლიანი ამინდი შენარჩუნდება, თუმცა ნალექს არ ველოდებით და გამოიდარებს, მოიმატებს ტემპერატურაც 10-12 გრადუსამდე", -აცხადებს ,,ჯი-ეიჩ-ენთან" საუბარში გვაზავა.
მასალის გამოყენების პირობები
