დედაქალაქის მუნიციპალიტეტის საკრებულოში ადამიანის უფლებათა დაცვისა და სამოქალაქო ინტეგრაციის სხდომა გაიმართა, სადაც დეპუტატებმა და მოწვეულმა სტუმრებმა ადგილობრივი თვითმმართველობის ორგანოების მხარდაჭერით ორგანიზებული ღონისძიებების დაგეგმვისა და განხორციელების პროცესში შეზღუდული შესაძლებლობების პირთა უფლებების დაცვის გარანტიების გათვალისწინებაზე იმსჯელეს.
აღნიშნული საკითხის ფორს-მაჟორულ რეჟიმში განხილვა ამა წლის 12 თებერვალს, სპორტის სასახლეში, პაატა ბურჭულაძის 60 წლის იუბილესადმი მიძღვნილი ღონისძიების დაწყების წინ, მაყურებლების, მათ შორის შეზღუდული შესაძლებლობების პირთა უფლებების დარღვევის ფაქტმა განაპირობა.
როგორც კომისიის თავმჯდომარემ გულიკო ზუმბაძემ განაცხადა, აუციელებელია გატარდეს ისეთი პრევენციული ღონისძიებები, რომლებიც ადამიანის უფლებების დარღვევის პრეცენდენტებს მომავალში სრულიად გამორიცხავს.
სხდომაზე, აღნიშნულთან დაკავშირებით, საკუთარი მოსაზრებები და შენიშვნები დეპუტატებმა და მოწვეულმა სტუმრებმაც გამოთქვეს.
სხდომის დასასრულს, გულიკო ზუმბაძემ კომისიის წევრებსა და მოწვეულ სტუმრებს ადამიანის უფლებათა დაცვისა და სამოქალაქო ინტეგრაციის კომისიის მიერ შემუშავებული რეკომენდაცია წარუდგინა, სადაც ის პირობები და წინადადები იყო დეტალურად განხილული, რომლებიც სახელმწიფო ხელისუფლების უმაღლეს და ადგილობრივი თვითმმართველობის ორგანოებს შშმ პირთათვის სათანადო პირობების უზრუველყოფას ავალდებულებს.