სახალხო დამცველი უჩა ნანუაშვილი პრეზიდენტის მიერ უზენაესი სასამართლოს თავმჯდომარედ ნინო გვენეტაძის კანდიდატად წარდგენას პოზიტიურად აფასებს და აცხადებს, რომ იგი პროფესიონალიზმით გამოირჩევა.
"მთავარი კრიტერიუმები იყო, რომ უზენაესი სასამრთლოს თავმჯდომარეობის კანდიდატი უნდა ყოფილიყო მენეჯერი, პრინციპული პროფესიონალი. ვფიქრობ ქალბატონი ნინო ყველა კრიტერიუმს აკმაყოფილებს. იმედს გამოვთქვამ, გვენეტაძე შეასრულებს დიდ როლს მართლმსაჯულების რეფორის დასრულებაში და არავის არ დარჩება კითხვები მართლმსაჯულების დამოუკიდებლობასთან დაკავშირებით. მის პრინციპულობასა და პროფესიონალიზმს ეჭვქვეშ ვერ დავაყენებ. იგი წლების განმავლობაში სწორედ ამ ნიშნებით იყო გამორჩეული"- აცხადებს სახალხო დამცველი უჩა ნანუაშვილი.
პრეზიდენტმა გიორგი მარგველაშვილმა უზენაესი სასამართლოს თავმჯდომარედ ნინო გვენეტაძე წარადგინა.
მასალის გამოყენების პირობები