დიდუბის რაიონში 2015 წლამდე მხოლოდ ერთი მუნიციპალური სასადილო ფუნქციონირებდა, რაც არსებული ბენეფიციარებისთვის არასაკმარისი აღმოჩნდა.
ვლადიმერ ძნელაძისა და რაიონის გამგებლის ირმა ზავრადაშვილის ერთობლივი ძალისხმევის შედეგად ბაგრატიონის ქ.N65-ში კიდევ ერთი უფასო სასადილო გაიხსნა. ამასთან, მკვეთრად გაუმჯობესდა სამტრედიის ქ.N4ა-ში უკვე არსებული სასადილოს მომსახურებისა და საკვები პროდუქტების ხარისხიც, რაც გამგეობის, მუნიციპალიტეტისა და დეპუტატის ბიუროს მხრიდან მუდმივი კონტროლის შედეგად გახდა შესაძლებელი.
ამ ეტაპზე, აღნიშნული პროგრამით 1250-მდე ადამიანი ისარგებლებს.
ვლადიმერ ძნელაძის საკანონმდებლო ინიციატივით,სასადილოების მენეჯმენტს ტენდერში მოგებული ორგანიზაცია 3 წლის განმავლობაში განახორციელებს.
აქამდე ეს ვადა მხოლოდ ერთი წლით განისაზღვრებოდა.
აღნიშნულ ფაქტს სერვისის გამცემი ორგანიზაციებიც მიესალმებიან, რომლებიც მიიჩნევენ, რომ ამით მათ ეფექტიანი მომსახურებისა და ხარისხზე ორიენტირებულობისთვის მოტივაცია საგრძნობლად გაეზარდათ.