თბილისის მუნიციპალიტეტის საკრებულოში სახელდებისა და სიმბოლიკის კომისიის გაფართოებული სხდომა გაიმართება.
სხდომას დაესწრნენ თბილისის მუნიციპალიტეტის მერიის კეთილმოწყობის , არქიტექტურის და ტრანსპორტის სამსახურის წარმომადგენლები, ასევე იუსტიციის სამინისტროს საჯარო რეესტრის ეროვნული სააგენტოს სამისამართო სამსახურის ხელმძღვანელები.
კომისიაზე ისაუბრეს 2014 წელს განხორციელებულ სამუშაოებზე, კერძოდ კომისიის წევრებმა მოისმინეს ინფორმაცია თუ რა რაოდენობით სამისამართო აბრა დამზადდა და გაიკრა გასული წლის განმავლობაში, რა თანხები აითვისა კეთილმოწყობის საქალაქო სამსახურმა ამ მიმართულებით, ასევე კომისიის წევრები არქიტექტურის სამსახურისგან მოისმინეს ინფორმაცია ქალაქგეგმარებით და ქუჩათა ქსელების მომზადებასთან დაკავშირებით, ტრანსპორტის სამსახურის წარმომადგენელმა საკრებულოს წევრებს გააცნი იმფორმაცია მუნიციპალური ტრანსპორტის მარშრუტის აბრებზე ინფორმაციის განახლების ინტენსივობისა და გაჩერების სახელდების საჭიროების შესახებ, კომისიამ მოწვეულ სტუმრებს გააცნო საკუთარი მოსაზრებები ხსენებულ საკითხებთან დაკავშირებით.
სხდომაზე ასევე განიხილეს 2015 წლის სამოქმედო გეგმები რომელიც ითვალისწინებს 2015 წლისთვის ქუჩებისთვის აბრების დიზაინის ასევე, სკვერების და ქუჩების სახელდებების შეცვლას. ამავე პროექტის ფარგლებში იგეგმება ავტობუსების გაჩერებებისთვის სახელების დარქმევა, რაც გაადვილებს მოქალქეებისთვის საზოგადოებრივი ტრანსპორტის სარგებლობას. ასევე სხდომაზე განხილული იქნა საკითხები იმასთან დაკავშირებით ,თუ რომელ უწყებას რა ვალდებულებები აქვს აღებული მომდევნო ერთი წლის განმავლობაში თბილისელების საკეთილდღეოდ.