ადრიატიკის ზღვაში ბორან "ნორმან ატლანტიკზე" დაღუპული არქიმანდრიტ ილია კარტოზიას ცხედარი სამების საკათედრო ტაძარშია დასვენებული.
სამების საკათედრო ტაძარში გადმოსვენებას, არქიმანდრიტ ილია კარტოზიას ცხედარს სრულიად საქართველოს კათოლიკოს-პატრიარქმა ილია მეორემ ნაკურთხი წყალი ასხურა, რის შემდეგაც გარდაცვლილი სასულიერო პირის სასახლესთან უკვე მოქალაქეები მიდიოდნენ და მას პატივს მიაგებდნენ.
მცხეთის მამათა მონასტრის წინამძღვარს, მამა ილია კარტოზიას ცხედარს 19 იანვარს, წირვის შემდეგ სამების საკათედრო ტაძრიდან სვეტიცხოველში გადაასვანებენ.
არქიმანდრიტს 20 იანვარს წმინდა დავით აღმაშენებლის სახელობის ტაძარში დაასვენებენ და ამავე მონასტრის ეზოში დაკრძალავენ.
28 დეკემბერს ადრიატიკის ზღვაში ბორან "ნორმან ატლანტიკზე" ხანძარი გაჩნდა. გემზე 500-მდე ადამიანი იმყოფებოდა. მათ შორის იყო საქართველოს რვა მოქალაქე. მამა ილიას გარდა ყველა უვნებელი გადარჩა
