სრულიად საქართველოს კათოლიკოს-პატრიარქი უწმინდესი და უნეტარესი ილია მეორე მიიჩნევს, რომ საქართველოსა და რუსეთს შორის მოლაპარაკებები უნდა დაიწყოს. როგორც უწმინდესმა გადაცემაში „მშვიდობით იარაღო" განაცხადა რუსეთი ტერიტორიების მიერთებას ცდილობს და დამპყრობლური პოლიტიკა მას უარყოფითად მიუბრუნდება.
მისივე განმარტებით, ხელისუფლებამ უნდა გამონახოს გზა აფხაზეთისა და სამაჩაბლოს დასაბრუნებლად.
,, რუსეთი დიდი ქვეყანაა და დიდი ქვეყანა მუდამ ცდილობს კიდევ უფრო მოემატოს ტერიტორიები. ზოგიერთი ქვეყანა დაავადებულია ასეთი სენით - ტერიტორიის სენით. ჩვენ უნდა, დავიწყოთ მოლაპარაკება რუსეთთან.პოლიტიკა, რომელსაც რუსეთი აწარმოებს უარყოფითად მოუბრუნდება. ხელისუფლებამ უნდა განალიზოს მდგომარეობა და უნდა გამოვნახოთ გზები რომ დავიბრუნოთ აფხაზეთი და სამაჩაბლო", _განაცხადა უწმინდესმა.
