ნიუ-იორკში საქართველოს გენერალურმა საკონსულომ შიდა ქართლის რეგიონში საოკუპაციო ხაზის გასწვრივ მდებარე სოფლებში მცხოვრები ბავშვებისთვის საახალწლო საჩუქრების შეგროვების მიზნით საქველმოქმედო აქცია გამართა. როგორც ,,ჯი-ეიჩ-ენს" საგარეო უწყებიდან აცნობეს ღონისძიება ნიუ-იორკში საკონსულოს შენობაში გაიმართა.
საქველმოქმედო აქციამ დიდი მხარდაჭერა მოიპოვა და მასში ნიუ იორკში მცხოვრებმა ქართველებმა აქტიური მონაწილეობა მიიღეს.
დისაპორის წარმომადგენლებმა თანამემამულეებისათვის საქველმოქმედო აქციის ფარგლებში საჩუქრები შეაგროვეს.
ბავშვებისთვის შეგროვებული საჩუქრები საქართველოში გამოიგზავნება და საოკუპაციო ხაზის გასვწრივ მცხოვრებ პატარებს დაურიგდებათ.