მოსკოვისა და სრულიად რუსეთის პატრიარქი კირილი საქართველოს უწმიდესსა და უნეტარესს, სრულიად საქართველოს კათოლიკოს-პატრიარქს ილია მეორეს აღსაყდრებიდან 37-ე იუბილეს ულოცავს. როგორც რუსეთის საპატრიარქოს ოფიციალურ ვებგვერდზე განთავსებულ განცახდებაშია მითითებული რუსეთის პატრიარქი კირილი საქართველოს კათოლიკოს-პატრიარქს სულიერ და ხორციელ სიძლიერეს უსურვებს.
,,მის უწმინდესობას, სრულიად საქართველოს კათოლიკოს-პატრიარქს ილია მეორეს! თქვენო უწმინდესობავ და უნეტარესობავ, გულითადად გილოცავთ საქართველოს მართლმადიდებელი ეკლესიის საჭეთმპყრობლად არჩევის იუბილეს. ოდესღაც საკუთარ თავზე აიღეთ პატრიარქის ჯვრის სიმძიმე. მას შემდეგ, წლების განმავლობაში თავმდაბლობით და მოთმინებით მისდევთ ქრისტეს და მიისწრაფვით იყოთ მორწმუნეთა მაგალითი სიტყვით, ცხოვრებით, სიყვარულით, სულით, რწმენით და სიწმინდით. ვიზიარებ საქართველოს ეკლესიის სიხარულს თქვენი უწმინდესობის ინტრონიზაციის იუბილესთან დაკავშირებით. ლოცვით გისურვებთ სულიერ და ხორციელ სიძლიერეს, ამოუწურავ ძალებს და უფლის დახმარებას თქვენს უდიდეს მსახურებაში საქართველოს ეკლესიისა და ხალხის საკეთილდღეოდ", - ნათქვამია პატრიარქ კირილის მისალოც წერილში.
მასალის გამოყენების პირობები