დღეს, 24 დეკემბერს, თბილისში, პრესტიჟული მედიაჯილდოს ოქროს პერგამენტის დაჯილდოების ცერემონია გაიმართა.
2014 წლის ლაურეატის წოდება მიენიჭა და ეროვნული მედია ჯილდო ოქროს პერგამენტი 2014 • Golden Parchment 2014 გადაეცა ცნობილ ქართველ მწერალს, თეიმურაზ ჭუმბურიძეს საუკეთესო პოეტური ნამუშევრისთვის „ტერფისხელა მიწა“
ლექსი „ტერფისხელა მიწა“ ჟიურის მიერ შეფასდა, როგორც ახალი სიტყვა ქართულ პოეზიაში - ერთ სტროფში ჩატეული სამშობლოს გააზრება.
„ჩემთვის დიდი პატივია, ასეთი პრესტიჟული ჯილდოს მიღება. ეს ჯილდო, რომელიც უდიდეს აღიარებას ნიშნავს, უკვე მეორედ მივიღე. 2011 წელს ჯერ კიდევ 3 წლის წინ, როდესაც ამ სენაზე ვიდექი 3 წლის წინ 2011 წელს ნოველისთის „სისხლისფერი ყაყაჩაოები“, დღეს კი აქ ჩემი ერთი ლექსის გამო ვარ. მიჭირს ემოციების შეკაება. მადლობა თითოეულ მკითხველს, რომელმაც ასე შეიყვარა ჩემი შემოქმედება. მადლობა ორგანიზატორებს. ეს დიდი ავანსია ჩემთვის და სტიმული იმისათვის რომ წერა გავაგრძელო. იმისათვის, რომ თქვენი ნდობა და სიყვარული შევინარჩუნო“, - თქვა თეიმურაზ ჭუმბურიძემ დაჯილდოების ცერემონიალზე და გამარჯვებული ლექსი წაიკითხა, რასაც დარბაზში აპლოდისმენტები მოჰყვა.
„ოქროს პერგამენტი ‘’ - არის პრესტიჟული ეროვნული მედია ჯილდო, რომელიც გადაეცემა ხელოვნების დარგში წლის ადამიანს, წლის პროექტს, წლის კომპანიას 11 სხვადასხვა ნომინაციაში.
პრესტიჟული ეროვნული მედია ჯილდოს - ,, ოქროს პერგამენტი ‘’ დამფუძნებელია საქართველოს ახალი ამბების სააგენტო ჯი ეიჩ ენ • GHN, რომელიც წარმოადგენს საქართველოს ერთ-ერთ ლიდერ მედიაპლატფორმას პროფესიონალთა გუნდით, მაღალი რეპუტაციითა და სანდოობით, როგორც მედია ბაზარზე, ასევე საზოგადოებაში.
,,ოქროს პერგამენტის’’ ლაურიატის წოდება ენიჭება და სახელობითი ჯილდო გადაეცემა წლის ადამიანს , პროექტს, კომპანიას, რომელიც სრულად პასუხობს კონკურსის მოთხოვნებს, ექსპერტების და ჯილდოს ორგანიზატორების მიერ დაწესებული შეფასების მაღალ კრიტერიუმებს და საერთაშორისო სტანდარტებს, აქვს ეროვნული აღიარება, არის კრეატიული, შემოაქვს განსაკუთრებული სიახლე, აქვს მაღალი საზოგადოებრივი ნდობა და მაღალი რეპუტაცია, ხელს უწყობს განვითარებას და პროგრესს, ხელს უწყობს საქართველოს პოპულარიზაციას მთელ მსოფლიოში.
რუსა მაჩაიძე
