23 დეკემბერს 14:00 საათზე რიყის პარკში, მშვიდობის ხიდის მიმდებარედ, ბავშვები ცოცხალ ნაძვის ხეებს მორთავენ. ნაძვის ხეების მორთვაში მონაწილეობას თბილისის მერი დავით ნარმანია ოჯახთან ერთად მიიღებს. ნაძვის ხეებს მერთან ერთად, ასევე, მორთავენ სოციალურად დაუცველი ბავშვები.
ნაძვის ხეების მორთვა შეუძლია ყველა მსურველ ბავშვს. მან რიყის პარკში უნდა მიიტანოს თავისი სახელობის სათამაშო და სხვებთან ერთად მორთოს ნაძვის ხეები.
ნაძვის ხეების მორთვის შემდეგ თბილისის მერი რიყეზე საახალწლოდ მიმდინარე სამუშაოებს დაათვალიერებს.
