ტელეკომპანია ,,მაესტროში" ადასტურებენ, რომ არხი დატოვა საინფორმაციო სამსახურის უფროსმა ნინო ჟიჟილაშვილმა, რამდენიმე პროდიუსერმა და ჟურნალისტების ნაწილმა. როგორც ,,მაესტროს" ხელმძღვანელობის მიერ გავრცელებულ განცხადებაშია განმარტებული დირექციამ მიიღო გადაწყვეტილება, გამოაცხადოს არხის სრული რეორგანიზაცია.
,,ტელეკომპანია "მაესტროს" ადასტურებს რომ, არხი დატოვა დირექტორის მოადგილემ და "ცხრიანის" წამყვანმა ნინო ჟიჟილაშვილმა. მასთან ერთად არხიდან წავიდა რამდენიმე პროდიუსერი და ჟურნალისტების ნაწილი. შექმნილი სიტუაციიდან გამომდინარე, "მაესტროს" დირექციამ მიიღო გადაწყვეტილება, გამოაცხადოს არხის სრული რეორგანიზაცია, რომელიც მანამდე ისედაც იგეგმებოდა. გენერალური დირექტორი ბაია გადაბაძე კიდევ ერთხელ ადასტურებს, რომ "ახალი ამბები" რჩება არხის პრიორიტეტად, რომელიც რეორგანიზაციის შემდეგ განახლებული ფორმატით და ბადით დაუბრუნდება სატელევიზიო სივრცეს", - ნათქვამია განცხადებაში.
