დღეს, 21 დეკემბერს, საქართველოს ყოფილი პრეზიდენტი მიხეილ სააკაშვილი 47 წლის გახდა.
ქართველი პოლიტიკოსი, საერთაშორისო სამართლის დოქტორი, საქართველოს პრეზიდენტი 2004 წლის 25 იანვრიდან 2007 წლის 25 ნოემბრამდე და 2008 წლის 20 იანვრიდან - 2013 წლის 17 ნოემბრამდე, პოლიტიკური პარტიის "ერთიანი ნაციონალური მოძრაობა" დამფუძნებელი, ვარდების რევოლუციის ერთ-ერთი წინამძღოლი. ერთ ერთი ყველაზე ახალგაზრდა სახელმწიფო მეთაური ევროპაში (პრეზიდენტის მოვალეობას შეუდგა 36 წლის ასაკში).
მიხეილ სააკაშვილი 1967 წლის 21 დეკემბერს თბილისში დაიბადა. კიევის საერთაშორისო ურთიერთობების ინსტიტუტის წარჩინებით დამთავრების შემდეგ, ნიუ-იორკში კოლუმბიის უნივერსიტეტის სტუდენტად ჩაირიცხა ედმუნდ მასკის პროგრამით. 1995 წელს მიიღო მაგისტრის ხარისხი სამართლის განხრით. 1995-1996 წლებში ვაშინგტონში, სწავლობდა ჯორჯ ვაშინგტონის უნივერსიტეტის სამართლის ეროვნული ცენტრის დოქტურანტურაში.
სააკაშვილმა პოლიტიკური მოღვაწეობა 1995 წლიდან დაიწყო. იყო პარლამენტის წევრი, იუსტიციის მინიტრი, თბილისის საკრებულოს თავჯდომარე, ევროსაბჭოს საპარლამენტო ასამბლეის ვიცე-პრეზიდენტი.
"ვარდების რევოლუციის შემდეგ", 2004 წლის 4 იანვარს, სააკაშვილი პრეზიდენტად აირჩიეს. 2007 წლის 7 ნოემბრის ცნობილი მოვლენების შემდეგ ის თანამდებობიდან გადადგა და რიგგარეშე საპრეზიდენტო არჩევნები დანიშნა, რომელშიც გაიმარჯვა და ქვეყნის პირველი პირი უკვე მეორე ვადით გახდა (2008 წ. 5 იანვარი).
მიხეილ სააკაშვილს ჰყავს მეუღლე - წარმოშობით ჰოლანდიელი სანდრა რულოვსი და შვილები - ედუარდი და ნიკოლოზი.