დღეს, 21 დეკემბერს, საქართველოს პრემიერ-მინისტრი ირაკლი ღარიბაშვილი გუდარს ეწვევა და ხელოვნური გათოვლიანების პროექტის ფარგლებში განხორციელებულ სამუშაოებს დაათვალიერებს. მთავრობის მეთაური გუდაურში ახლადგახსნილ გადაუდებელი სამედიცინო დახმარების პუნტქსაც მოინახულებს და დაესწრება ღონისძიებას "ღვინის ქალაქი გუდაური."
გუდაურის განვითარების სააგენტოსა და კომპანია DEMACLENKO-ს შორის გაფორმებული ხელშეკრულების მიხედვით, გუდაურსა და დიდველზე უკვე განხორციელდა გეოლოგიური და ტოპოგრაფიული სამუშაოები, მოხდა წყლის ხელოვნური რეზერვუარების დაპროექტება და გათოვლიანდა გუდაურში 1,1 კმ-ის, ხოლო დიდველზე 2 კმ. ტრასა. ასევე დასრულებულია წყლის სისტემის დამონტაჟება და სატუმბო-საკომპრესორო ნაგებობების მშენებლობა.
