საქართველოს 2014 წლის იანვარ-ნოემბერში 5 059 832 ვიზიტორი სტუმრობდა, რაც მხოლოდ 1,2%-ით აღემატება 2013 წლის ანალოგიური პერიოდის მაჩვენებელს. შინაგან საქმეთა სამინისტროს საინფორმაციო-ანალიტიკური დეპარტამენტის ცნობით, მხოლოდ ნოემბერში ქვეყანას 402 307 ვიზიტორი წვია, რაც 2013 წლის ანალოგიურ პერიოდთან შედარებით 3,8 %-ით ნაკლებია.
იანვარ-ნოემბერში ქვეყანაი შემოსულ ვიზიტორთაგან 41%, ანუ 2 071 690 ტურისტია (+8%); ტრანზიტი - 1 023 421 ვიზიტი (საერთო რაოდენობის 20,2%, -8%); სხვა - 1 964 721 ვიზიტი (საერთო რაოდენობის 38,8%, +0,003%).
2014 წლის ნოემბერში ყველაზე მეტი ვიზიტი კვლავ თურქეთიდან (-7%), აზერბაიჯანიდან (-0,8%), სომხეთიდან (+2,7%), რუსეთიდან (-8%) და უკრაინიდან (-8%) განხორციელდა. ასევე, პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-ნოემბერშიც კვლავ ტრადიციულად გამოირჩნენ: ლიტვა, პოლონეთი, ლატვია და დიდი ბრიტანეთი (შესაბამისად 87%, 29%, 25%, და 12%), შუა აზიის ქვეყნებიდან - ყაზახეთი (35%), ხოლო აღმოსავლეთ ევროპის ქვეყნებიდან კი - ბელორუსიის მოქალაქეები 48% მატებით.