,,,მე არ მაქვს ბერკეტი უსუფაშვილი, ღარიბაშვილი ან პარლამენტი ვმართო", -ამის შესახებ, ყოფილმა პრემიერმა ბიძინა ივანიშვილმა მისი მისამართით გაკეთებული განცხადების საპასუხოდ განმარტა.
ივანიშვილის განმარტებით, იმისთვის, რომ კულუარებიდან მართო ხელისუფლება შესაბამისი ბერკეტი უნდა ჰქონდეს რაც ყოფილი პრემიერის განმარტებით მას არ გააჩნია.
,,მე არ მაქვს ბერკეტი უსუფაშვილი, ღარიბაშვილი ან პარლამენტი ვმართო. არც ჩანაწერებს ვფლობ და არ გაქვთ ალბათ ამაზე ეჭვი. არც არანაირი ბერკეტი გამაჩნია, არც ნათესაური. ვისაც მოესურვება შევა პოლიტიკაში, ეს აბსოლუტურად მიღებულია. მე არანაირი ბერკეტი არ გამაჩნია, რჩევებშიც ვერ მივიღებ მონაწილეობას, საწყენია როდესაც გუშინდელი პარტნიორები ასეთ განცხადებას აკეთებენ", - განაცხადა ივანიშვილმა.
ჟურნალ ,,Forbes-თან" "თავისუფალი დემოკრატების" ლიდერი, ირაკლი ალასანია ქვეყანში მიმდინარე მოვლენებზე საუბრობს და აცხადებს, რომ ქვეყანას არა ინსტიტუტები, არამედ ერთი კაცი მართავს.
„იმის გამო რომ დღეს ქვეყანას არ მართავს ინსტიტუციები და ერთი ადამიანის ნებაზეა დამოკიდებული სახელმწიფოებრიობის ბედის გადაწყვეტა, ამიტომ იჭიმება ყველანაირი და ყველა სახის გადაწყვეტილებები. ის, რასაც სჭირდება ხუთი წუთი ანდა ერთი დღე ეს იჭიმება ორი თვე",- განაცხადა ალასანიამ და აღნიშნა, რომ ბოლო მოვლენების განვითარებაში ნათლად გამოჩნდა, რამდენად ჩახედულია, თუნდაც ბიძინა ივანიშვილი იმ დეტალებში, რაზეც პროკურატურაც კი არ საუბრობს ასე ღრმად.
