დღეს, , 3 დეკემბერს, 17:00 საათზე, ილიას სახელმწიფო უნივერსიტეტში ილიაუნის სამეცნიერო-კვლევითი ინსტიტუტი - „ბავშვთა და მოზარდთა განვითარების კლინიკა" - გაიხსნება.
ამ ეტაპზე ინსტიტუტი აერთიანებს შემდეგ ცენტრებს:სკოლამდელი და ინკლუზიური განათლების ცენტრი; განსაკუთრებულ მოსწავლეთა განათლების, კონსულტირებისა და რეაბილიტაციის სასწავლო-პრაქტიკული ცენტრი; ბავშვთა ადრეული განვითარების ცენტრი; აუტიზმის ცენტრი კლინიკას ამჟამად 100-ზე მეტი ბენეფიციარი ჰყავს.
"ბავშვთა და მოზარდთა განვითარების კლინიკა" ილიას სახელმწიფო უნივერსიტეტის დაქვემდებარებაში მყოფი მრავალპროფილური დაწესებულებაა, რომელიც ერთ სივრცეში ქმნის განათლების, კვლევისა და ხარისხიანი სერვისის მიღების შესაძლებლობას ბავშვთა და მოზარდთა განვითარების სფეროში.
წელს სრულად განახლდა კლინიკის ინფრასტრუქტურა და ის საქართველოში არსებულ მსგავსი პროფილის დაწესებულებებს შორის ყველაზე მასშტაბური და თანამედროვედ აღჭურვილია.

ინსტიტუტის განვითარებაში ილიას სახელმწიფო უნივერსიტეტს გვერდში ედგნენ:
ბაზისბანკი, რომელმაც ავეჯით აღჭურვა კლინიკა; რუსთავი 2, რომელმაც "X Factor"-ის ნახევარფინალიდან შემოსული თანხა გადმოურიცხა კლინიკას;
შპს "კრედო", რომელიც სულ მალე თანამედროვე სენსორულ ოთახს მოაწყობს კლინიკაში.