მონობასთან ბრძოლის საერთაშორისო დღესთან დაკავშირებით, რუსთაველის გამზირზე, საქართველოს პარლამენტთან, საპროტესტო აქცია სახელწოდევით,"XXI საუკუნის მონა = სტაჟიორი!" - გაიმართა.
აქციის მონაწილეებმა, პარლამენტს მოუწოდეს, დაიცვას ადამინის უფლებები და შრომის კოდექსში ცვლილებები განხორციელდეს.
ცვლილებების თანახმად, რომელიც ავტორი არასამთავრობო ორგანიზაცია „სამოქალაქო ჩართულობის ცენტრია", სტაჟირება შრომით ურთიერთობად უნდა განხილებოდეს და შესაბამისად, სამუშაო გამოცდილებად იქნეს მიჩნეული.
აქციის მონაწილეების განცხადებით, სტაჟიორის ცნებას დღევანდელი შრომის კოდექსი საერთოდ არ იცნობს და ისინი, ბაზარზე არალეგალურად არიან დასაქმებულნი.
როგორც „სამოქალაქო ჩართულობის ცენტრი"-ს ხელმძღვანელმა ლევან ჩიტაძემ განაცხადა, საკუთარ კანონპროექტს ორგანიზაცია უახლოეს დღებში პარლაენტს წარუდგენს.