დღეს, 2 დეკემბერს 20:00 საათზე რკინიგზელები- ახალგაზრდულ ჯგუფებთან და სტუდენტებთან ერთად აფრიკის სარკინიგზო დეპოში გამაფრთხილებელ აქციას დაიწყებენ.
საქართველოს რკინიგზელთა ახალი პროფკავშირები მოუწოდებენ ყველა სტუდენტს თუ სტუდენტურ ჯგუფს, შემოუერთდეს გამაფრთხილებელ აქციას აფრიკის სარკინიგზო დეპოში.
შეგახსენებთ, რომ რკინიგზელთა სრულმასშტაბიანი გაფიცვა მეშვიდე დღეა გრძელდება. სარკინიგზო მოძრაობა გაჩერებულია მთელისაქართველოს მასშტაბით. რკინიგზელთასამართლიანიმოთხოვნებია:
1.ახალი სამართლიანი სახელფასო ბადის შემუშავება, რომელშიც გათვალისწინებული იქნება რკინიგზელთა სტაჟი და კვალიფიკაცია
2. სამართლიანი საპრემიო სისტემის შემოღება, კერძოდ: მე-13 ხელფასის სახით
3. ზეგანაკვეთური შრომის ანაზღაურება, რკინიგზელებთან შეთანხმებით დადგენილი ტარიფით.
როგორც ,,ჯი-ეიჩ-ენს" საქართველოს რკინიგზელთა პროფკავშირბიდან აცნობეს ადმინიტრაციის მიზანია არ დააკმაყოფილო სრკინიგზელთა მოთხოვნები და შეაჩეროს გაფიცვა.
,,ისინი მუქარის, შანტაჟის, ფიზიკური და ფსიქოლოგიური ზეწოლის მეშვეობით ცდილობენ გაფიცვისუფლების შეზღუდვას და გაფიცულთა ხმის ჩახშობას. ადმინისტრაცია უგულებელყოფს გაფიცულთა მოთხოვნებს და ცდილობს შექმნას ილუზია, რომ მათი ჩანაცვლება შესაძლებელია. რკინიგზის ადმინისტრაციამ სცადა საქართველოს პროფკავშირების გაერთიანებისა და რკინიგზელთა ახალი პროფკაშირის მოტყუება, რამაც მოლაპარაკებების პროცესი უკიდურეს დაძაბულობამდე მიიყვანა - რკინიგზელებმა აღნიშნული ქმედება მიზანმიმართულ საბოტაჟად აღიქვეს და მთელი ქვეყნის მასშტაბით სრული მობილიზაცია გამოაცხადეს", _ნათქვამია რკინიგზელთა ახალი პროფკაშირების განცახდებაში.