დედაქალაქსა და მის შემოგარენში მიმდინარე გამწვანების აქციას ფონდი „გაამწვანე საქართველო" შეუერთდა. აქციაში დღეს თბილისის მერმა დავით ნარმანიამ და საბურთალოს რაიონის გამგებელმა ბექა მიქაუტაძემ მიიღეს მონაწილეობა.
სრულიად საქართველოს კათოლიკოს-პატრიარქის, ილია მეორეს მიერ დაფუძნებული ფონდის „გაამწვანე საქართველო" ინიციატივით, ქოშიგორაზე მდებარე იოანე ნათლისმცემლის სახელობის დედათა მონასტრის მიმდებარე ტერიტორიაზე, 0,7 ჰექტარ ფართობზე, 2000 წიწვოვანი და ფოთლოვანი ხის ნერგი დაირგო. მათ შორის, 1400 ძირი შავი ფიჭვი, ასევე მუხა, ნეკერჩხალი, იფანი და სხვა. ნერგები ფონდმა ახალციხის სანერგეში შეიძინა.
გამწვანების აქციაში მონაწილეობა მიიღეს საქართველოს საპატრიარქოს, საპატრიარქოსთან არსებული სასულიერო აკადემიის, გარემოსა და ბუნებრივი რესურსების დაცვის და თავდაცვის სამინისტროების, წარმომადგენლებმა.