„ვერასოდეს წარმოვიდგენდი, რომ „ქართულ ოცნებას" შეკედლებული ჩინოვნიკთა გარკვეული წრე მაფიოზთა კლანად ჩამოყალიბდებოდა, მაგრამ ფაქტია, ამ კლანმა წალკის რაიონის საკრებულოსა თუ გამგეობაში შეაღწია და მთელი რაიონი ხელში ჩაიგდო," - ასე ეხმიანება უფლებადამცველი მერაბ ბლადაძე რამდენიმე დღის წინ, წალკის საკრებულოში მომხდარ ინციდენტს, რა დროსაც ოპოზიციონერ იური მოდებაძე, მისივე თქმით, „ოცნების" დეპუტატებმა ფიზიკური შეურაცხყოფა მიაყენეს.
მერაბ ბლადაძის იფორმაციით, იური მოდებაძეს ტვინის შერყევა აქვს.
„ფიზიკური ანგარისწორების საბაბი კი ის გახდა, რომ იური მოდებაძე წალკის გამგებელ ილია საბაძეს უამრავ უკანონო ქმედებასა და თანხების მითვისებაში ამხელს. სწორედ მისი დავალებით, მოდებაძეს საბაძის გოშიები - წალკის საკრებულოს თავმჯდომარე, ირაკლი გიგინეიშვილი, საკრებულოს წევრები - მელიტოს პაკელიანი, ჯონი ცაბაძე და სხვები გაუსწორდნენ. საგულისხმოა, რომ ირაკლი გიგინეიშვილი „ნაციონალების" დროს წალკის რაიონის მოსამართლე იყო, რომელსაც იური მოდებაძე ცეკავშირის შენობის უკანონო მითვისებაში ადანაშაულებს, ჯონი საბაძე კი, „ნაციონალური მოძრაობის" ფრაქციის თავჯდომარე გახლდათ და „ქართულ ოცნებაში" წარმატებით გადმოპორტირდა. მომხდარიდან გამომდინრე, ვსვამ შეკითხვას: არის თუ არა საქართველოში ჩემი, როგორც უფლებადამცველის უსაფრთხოება დაცული?," - აცხადებს მერაბ ბლადაძე და მოითხოვ, რომ მოძალადეები სამაგალითოდ დაისაჯონ.
„იმედს ვიტოვებ, რომ წალკის რაიონის ძალოვანი სტრუქტურების წარმომადგენლები არ არიან ილია საბაძის გავლენის ქვეშ და ობიექტურად გამოიძიებენ საქმეს, ასევე, იმედს ვიტოვებ, რომ ეს ინციდენტი წალკის გამგეობის საქმიანობის შესწავლის საბაბი გახდება," - აცხადებს ბლადაძე.
მასალის გამოყენების პირობები