დღეიდან არასამთავრობო ორგანიზაციები საპროტესტო აქციებს იწყებენ.
სამოქალაქო სექტორი ფარულ მოსმენებთან დაკავშირებით ბესელია, ფოფხაძე, სესიაშვილის კანონპროექტის პირველი მოსმენით მიღებას ეწინააღმდეგებიან.
„ეს შენ გეხება ისევ გვისმენენ" - ამ კამპანიაში ჩართული არასამთავრობოები ე. წ. გასაღების შინაგან საქმეთა სამინისტროსთვის გადაცემას არ ეთანხმებიან და პრეზიდენტს მოუწოდებენ გამოიყენოს ვეტოს უფლება.
მათი გამარტებით, წარმოდგენილი კანონპროექტი მოქალაქეთა უფლებებს არ იცავს.
დღეს არასამთავრობოები ქუთაისში პარლამენტის შენობასთან შეიკრიბებიან და სირცხვილის კორიდორს მოაწყობენ.
შეგახსენებთ, რომ გუშინ პირველი მოსმენით პარლამენტმა კენჭი უყარა და მხარი დაუჭირა პერსონალური ინფორმაციის წვდომის შესახებ ბესელია-ფოფხაძე-სესიაშვილის მიერ მომზადებულ კანონპროექტს, რომლის მიხედვითაც წვდომა მოსმენებთან შინაგან საქმეთა სამინისტროს რჩება.
