საპარლამენტო უმრავლესობიდან ყველაზე მეტ ნეგატიურ განწყობას ეკა ბესელია, ხოლო საპარლამენტო უმცირესობიდან ირმა ნადირაშვილი იმსახურებენ. ასეთი შედეგები აჩვენა ახალი ამბების სააგენტო „ჯი-ეიჩ-ენის" და გაზეთ „პრემიერის" დაკვეთით საკონსულტაციო კვლევითი ჯგუფი „ჯი-სი-ჯის" მიერ ჩატარებულმა კვლევამ.
გამოკითხული 1200 რესპოდენტიდან 420 „ქართული ოცნების", 335 „ნაციონალური მოძრაობის" 245 სხვა პოლიტიკური ძალის მხარდამჭერია. 200 რესპოდენტი კი არც ერთ პოლიტიკურ ძალას არ უჭერს მხარს.
კითხვაზე - „საპარლამენტო უმრავლესობიდან რომელი პოლიტიკოსი იწვევს თქვენში ყველაზე მეტ ნეგატიურ განწყობას?, გამოკითხულთა უმეტესობამ (324 რესპოდენტი) ეკა ბესელია დაასახელა. მეორე ადგილზე ნეგატიური განწყობის მიხედვით გია ვოლსკი (276 რესპოდენტი) აღმოჩნდა.
რაც შეეხება ნეგატიური განწყობის მაჩვენებელს საპარლამენტო უმცირესობის წევრების მიმართ, კითხვაზე - „საპარლამენტო უმცირესობიდან რომელი პოლიტიკოსი იწვევს თქვენში ყველაზე მეტ ნეგატიურ განწყობას?, 288 რესპოდენტმა ირმა ნადირაშვილი დაასახელა. მეორე ადგილზეა ნუგზარ წიკლაური (240 რესპოდენტი).
გამოკითხვის შედეგების მიხედვით ნეგატიური განწყობის რეიტინგის პირველი ხუთეული საპარლამენტო უმრავლესობის წევრების მიმართ ასე გამოიყურება:
1. ეკა ბესელია - 27%
2. გია ვოლსკი - 23%
3. მანანა კობახიძე - 21%
4. გედევან ფოფხაძე - 12%
5. სოსო ჯაჭვლიანი - 8%
სხვა - 9%
ეკა ბესელია ნეგტიურ განწყობას იწვევს „ქართული ოცნების" მხარდამჭერი რესპოდენტების 30%-ში, „ნაციონალური მოძრაობის" მხარდამჭერთა - 25%-ში, სხვა პოლიტიკური ძალების მხარდამჭერთა - 27%-ში და სხვა რესპოდენტების 24%-ში.
ნეგატიური განწყიბის რეიტინგის პირველი ხუთეული საპარლამენტო უმცირესობის წევრების მიმართ:
1. ირმა ნადირაშვილი - 24%
2. ნუგზარ წიკლაური - 20%
3. ხათუნა გოგორიშვილი - 16%
4. გივი თარგამაძე - 15%
5. გოკა გაბაშვილი - 13%
6. სხვა - 12%
ირმა ნადირაშვილი ნეგტიურ განწყობას იწვევს „ქართული ოცნების" მხარდამჭერ 26%-ში, „ნაციონალური მოძრაობის" მხარდამჭერ - 24%-ში, სხვა პოლიტიკური ძალების მხარდამჭერ - 23%-ში და სხვა რესპოდენტების 21%-ში.
კვლევა 20 -23 ნომებერს თბილისში, ქუთაისში, ბათუმში, ზუგდიდში, თელავსა და გორში ჩატარდა. მასში მონაწილოება მიიღო არჩევნებში ხმის უფლების მქონე 1200-მა რესპოდენტმა. გამოკითხულთა შორის 648 ქალი და 552 მამაკაცია.