დედაქალაქის გამწვანების აქციას დეველოპერული კომპანია „არქი ჯგუფი" შეუერთდა. კედრის, კვიპაროსის, სოჭისა და ლუგუსტრუმის 300-მდე ნერგი „არქი ჯგუფის" თანამშრომლებმა დღეს, თამარაშვილის ქუჩაზე, ახალი მშენებლობის ტერიტორიაზე, თბილისის მერიის მერის მოადგილესთან, ალუდა გოგლიჩიძესთან და ეკოლოგიისა და გამწვანების სამსახურის უფროსთან ბიძინა გიორგობიანთან ერთად დარგეს.
თბილისის მერის მოადგილის ალუდა გოგლიჩიძის თქმით, მისასალმებელია, რომ დედაქალაქის გამწვანების აქციას კერძო კომპანიები უერთდებიან. ალუდა გოგლჩიძე აქციაში ჩართვისკენ სხვა კომპანიებსაც მოუწოდებს.
„არქი ჯგუფის" დამფუძნებლის ილია წულაიას თქმით, „არქი ჯგუფის" მთავარი პრიორიტეტები, მოსახლეობის ხარისხიანი საცხოვრებელით უზრუნველყოფასთან ერთად, გარემოზე, ქალაქის იერსახესა და გამწვანებაზე ზრუნვაა. მისივე თქმით, ამ მხრივ, კომპანია ახალ პრეცედენტს ქმნის - ყოველი აშენებული 10 კვადრატული მეტრის სანაცვლოდ ქალაქში 1 ხე ირგვება.