9 დეკემბერს, 19:00 საათზე, საქართველოს მწერალთა სახლში პოეტისა და მხატვრის, თამარ ლომიძის საღამო გაიმართება. წარმოდგენილი იქნება ლირიკული კრებული ,,მე სხვა ცას ვეძებ" და კალენდარი „12 თვე _ 12 ქალი". ასევე, გამოფენილი იქნება 12 გრაფიკული ნამუშევარი _ 12 ქალი. პრეზენტაციაზე ქართულ ხალხურ სიმღერებს შეასრულებენ სვენდ ვოგე და ლუკა ვოგე-ლომიძე.
„მე სხვა ცას ვეძებ" თამარ ლომიძის მეოთხე წიგნია. მანამდე გამოცემული აქვს სამი პოეტური კრებული: „მოვედი, ერთი სიტყვა რომ მეთქვა", „ჟამი კვირტობის" და „ზღვარი". მისი ლექსები თარგმნილია ფრანგულ ენაზე. თამარ ლომიძე არის ლიტერატურისა და ხელოვნების დარგში საქართველოსა და ნორვეგიაში გამართული არაერთი კონკურსის გამარჯვებული. ჰქონდა რამდენიმე პერსონალური გამოფენა.
აშსანიშნავია, რომ თამარ ლომიძე აქტიურად ეწევა ქართული კულტურის პოპულარიზაციას საზღვარგარეთ. იგი არის კომპანია "Cultural Travel Georgia"-ს დამფუძნებელი.