საქართველო ყოფილი პირველი ლედი, დიდი დიღმის საუნივერსიტეტო კამპუსში იმყოფებოდა, სადაც კახა ბენდუქიძის სამოქალაქო პანაშვიდი მიმდინარეობს.
ექსპრეზიდენტის მეუღლემ ბენდუქიძის ოჯახის წევრებსა და ახლობლებს მიუსამძიმრა.
ბენდუქიძის ოჯახს ასევე მიუსამძიმრეს საქართველოს პარლამენტის თავმჯდომარემ დავით უსუფაშვილმა და აშშ-ს ელჩმა საქართველოში რიჩარდ ნორლანდმა. უნივერსიტეტში ასევე იმყოფებოდნენ კახა ბენდუქიძის თანგუნდელები.
საქართველოს ეკონომიკის ყოფილ მინისტრისა და "თავისუფალი უნივერსიტეტის" დამფუძნებელს, კახა ბენდუქიძეს, დღეს დიღმის უნივერსიტეტიდან 15:00 საათზე გამოასვენებენ და მისი სურვილის შესაბამისად, კუკიას სასაფლაოზე დაკრძალავენ.
