საქართველოში ნალექიანი ამინდი უახლოეს დღეeბში შენარჩუნდება. 25 ნოემბერს კი აღმოსავლეთ საქართველოს ბარის რაიონებში, მათ შორის დედაქალაქში, მოსალოდნელია თოვლჭყაპი. ამის შესახებ, "ჯი-ეიჩ-ენ"-ს გარემოს ეროვნული სააგენტოს ჰიდრომეტეოროლოგიური სამსახურის უფროსმა სვეტლანა ნიორაძემ განუცხადა.
"დასავალეთშიც და აღმოსავლეთშიც, ხვალ და ზეგ წვიმიან ამინდს ველოდებით, ზოგგან შესაძლებელია ძლიერი წვიმაც. მაღალმთიან რაიონებში მოსალოდნელია მცირე თოვლი. 25 ნოემბერს კი აღმოსავლეთ საქართველოს ბარის რაიონებშიც ველოდებით თოვლჭყაპს", - განაცხადა სვეტლანა ნიორაძემ.
გარემოს ეროვნული სააგენტოს ჰიდრომეტეოროლოგიური სამსახურის ინფორმაციით, ტემპერატურა, დასავლეთ საქართველოში, ღამის საათებში 5-10 გრადუსი, ხოლო დღისით 8-13 გრადუსი იქნება. აღმოსავლეთში ღამე 0- 5 გრადუსი - დღე 5-10 გრადუსს მიაღწევს.
