შსს-ს სასაზღვრო პოლიციის სანაპირო დაცვის დეპარტამენტის თანამშრომლებმა, საგამოძიებო-ოპერატიული მთავარი სამმართველოს დასავლეთის ოპერატიული სამმართველოს თანამშრომლებთან ერთობლივად ჩატარებული ღონისძიებების შედეგად, ფოთის საზღვაო რაიონში, ნაოსნობის წესების დარღვევის ფაქტზე ტოგოს დროშის ქვეშ მცურავი მშრალტვირთმზიდი გემი „PRINC-HANI" დააკავეს, რომელმაც არ ისარგებლა მოძრაობის გამყოფი ზონით და წრიული მოძრაობის რაიონში არასწორი მიმართულებითშევიდა. გემის კაპიტნის, სირიის მოქალაქე ომარ ა. მიმართ მიმდინარეობს ადმინისტრაციული საქმის წარმოება საქართველოს ადმინისტრაციულ სამართალდარღვევათა კოდექსის 114-ე (პრიმა ერთი) მუხლის 1-ლი ნაწილით.
აღნიშნული გემის კაპიტანს სახელმწიფო ბიუჯეტის სასარგებლოდ დაეკისრა ჯარიმა 50 000 ლარის ოდენობით. ჯარიმის გადახდის შემდეგ გემს თავისუფალი ნაოსნობის უფლება მიეცა.
მასალის გამოყენების პირობები