3 წლის გოგონას ჯანმრთელობის მდგომარეობა არ გაუმჯობესებულა. იგი ისევ, იაშვილის საავადმყოფოს რეანიმაციულ განყოფილებაში მართვით სუნთქვაზე რჩება. ამის შესახებ, "ჯი-ეიჩ-ენ"-ს იაშვილის სახელობის ბავშვთა ცენტრალური საავადმყოფოს საზოგადოებასთან ურთიერთობის სამსახურის ხელმძღვანელმა თამუნა ციცელაშვილმა განუცხადა.
"კომპიუტერული გამოკვლევის შედეგად დადგინდა, რომ ბავშვის ტვინი არის ძალიან დაზიანებული. პაციენტის გულის მუშაობა ამ ხნის განმავლობაში ორჯერ გაჩერდა. მას ჩაუატრად ნაწლავზე ოპერაცია, თუმცა მდგომარეობა კვლავ უმძიმესია", - აცხადებს ციცელაშვილი.
ბავშვი თბილისში, წერეთლის გამზირზე მე-6 სართულიდან 13 ნოემბერს გადმოვარდა. არსებული ინფორმაციით, იგი შემთხვევის დროს სახლში მარტო იყო დატოვებული.
მეზობლების თქმით, ოჯახი ირანიდან არის და წერეთლის № 55- ში ბინა ნაქირავები ჰქონდათ.
