დღეს, 20 ნოემბერს, 12:00 საათზე თბილისის მერი დავით ნარმანია თბილისის სახელმწიფო უნივერსიტეტის მაღლივ კორპუსთან მისასვლელი გზისა და მიმდებარე ტერიტორიის ინფრასტრუქტურული სამუშაოების დასკვნით ფაზას დაათვალიერებს.
სარეაბილიტაციო სამუშაოების ფარგლებში, კაპიტალურად შეკეთდა თსუ მაღლივ კორპუსამდე მისასვლელი 1000 კვადრატულ მეტრამდე გზა, კეთდება ტროტუარები და ბორდიურები, ასფალტო-ბეტონის საფარით კეთილმოეწყო ავტოსადგომი. დასასრულს უახლოვდება კორპუსის ცენტრალური შესასვლელის მიმდებარე ტერიტორიის რეაბილიტაცია. ფეხით მოსიარულეთათვის განკუთვნილ ტერიტორიაზე გაშენდება გამწვანების ზოლი.
ჯამში დაგეგმილია 5 000 კვადრატულ მეტრამდე ტერიტორიის მოწესრიგება, რისთვისაც დედაქალაქის ბიუჯეტიდან 153 350 ლარი გამოიყო.
თსუ მაღლივი კორპუსის მიმდებარედ სარეაბილიტაციო სამუშაოები მიმდინარე წლის 9 ოქტომბერს დაიწყო. სამუშაოებს შპს „სატრანსპორტო სამშენებლო კომპანია" აწარმოებს.