ხვალ, 20 ნოემბერს თბილისში მდებარე პარლამენტის შენობასთან კოდორის ხეობაში პრეზიდენტის ყოფილი რწმუნებულის ემზარ კვიციანის მხარდასაჭერად აქცია გაიმართება. როგორც ,,ჯი-ეიჩ-ენთან" საუბარში ემზარ კვიციანის დამ ნორა კვიციანმა განმარტა ამით მისი ძმის მიმართ გამოტანილ განაჩენს გააპროტესტებენ.
,, თბილისის პარლამენტის შენობასთან ,,ღირსების აქცია" გაიმართება. ამით ვაპროტესტებთ ემზრ კვიციანისთვის გამოტანილ განაჩენს. Aაქცია ტარდება იმ პროვოკაციის წინააღმდეგ რაც პროკურატურამ და სასამართლომ ჩაიდინა", _განაცხადა ,,ჯი-ეიჩ-ენთან" საუბარში კვიციანმა.
მისივე განმარტებით, აქციას ,,ყველა კოდორელი შემოუერთდება.
შეგახსენებთ, რომ კვიციანის ახლობლებმა შიმშილობა დაიწყეს. ისინი ამ ფორმით ზუგდიდის სასამართლოს გადაწყვეტილებას აპროტესტებენ ემზარ კვიციანისთვის 12 წლიანი პატიმრობის შეფარდებასთან დაკავშირებით.კვიციანის ახლობლები პრეზიდენტის ყოფილი რწმუნებულის გათავისუფლებას ითხოვენ.
დაცვის მხარე უახლოეს დღეებში სააპელაციო სასამართლოში ზუგდიდის სასამართლოს დადგენილების გასაჩივრებას გეგმავს. ემზარ კვიციანი დამნაშავედ სცნეს უკანონო გასამხედროებული ჯგუფის შექმნასა და 2006 წელს კოდორის ხეობაში ამბოხის მოწყობაში. მსჯავრდებული ბრალდებებს უარყოფს.
ემზარ კვიციანი 2014 წლის თებერვალში მოსკოვიდან თბილისში დაბრუნებისას დააკავეს.