საქართველოში მომდევნო დღეების განმავლობაში ხანმოკლე წვიმა შენარჩუნდება. თუმცა როგორც ,,ჯი-ეიჩ-ენთან" საუბარში გარემოს დაცვის სამინისტროს მთავარმა სინოპტიკოსმა დოდო გვაზავამ განაცხადა, ტემპერატურის მკვეთრი ვარდნა მოსალოდნელი არ არის.
,,საქართველოს მთელს ტერიტორიაზე იგივე ამინდი არ არის რაც თბილისში. დღეს დასავლეთ საქართველოში დროგამოშვებით მოიღრუბლება და უმეტესად უნალექო ამინდი შენარჩუნდება. დღის ტემპერატურა 20-22 გრადუსამდე გათბება და იქროლებს აღმოსავლეთის ქარი. რაც შეეხება აღმოსავლეთ საქართველოს, მათ შორის თბილისს დღის განმავლობაში ღრუბლიანი ამინდი და წვიმა შენარჩუნდება. ხვალ და მომდევნო დღეებში საქართველოს ზოგიერთ რაიონებში ველოდოებით მცირე წვიმას, რომელიც ტემპერატურის მნიშვნელოვან დაკლებას არ გამოწვევს", _განაცხადა ,,ჯი-ეიჩ-ენთან" საუბარში დოდო გვაზავამ.