გერმანიაში საქართველოს საელჩოში ექსპოზიცია - „50 ქალი საქართველოდან" პრეზენტაცია გამართა. საქართველოს საგარეო საქმეთა სამინისტროსა და ჰაინრიხ ბიოლის ერთობლივი პროექტის ფარგლებში საელჩოს შენობაში გამოიფინა IX და XX საუკუნეების მიჯნაზე მოღვაწე ქართველი ქალების ფოტოები.
ექსპოზიციის პრეზენტაციას გერმანიაში მოღვაწე დიპლომატიური კორპუსის წარმომადგენლები და ქართული დიასპორის წევრები.
ღონისძიებაზე მისულ სტუმრებს სიტყვით მიმართა გერმანიაში საქართველოს ელჩმა ლადო ჭანტურიამ. ელჩმა საქართველოს საზოგადოებრივ-კულტურულ ცხოვრებაში ქალის როლზე ისაუბრა, "გამოფენაზე წარმოდგენილია იმ 50 ქალის ისტორია, რომლებმაც საქართველოს პოლიტიკურ და სამოქალაქო პროცესებშე დიდი წვლილი შეიტანეს. მათი რიცხვი, ვინც თავისუფლებისთვის, ქალთა უფლებებისთვის იბრძოდნენ ბევრად დიდია, ვიდრე აქ იყო შესაძლებებლი წარმოგვეჩინა, მაგრამ ეს კარგი დასაწყისია იმისათვის, რომ საზოგადოებამ გაიხსენოს და დააფასოს ქალბატონები, რომელთაც საქართველოში XIX-XX საუკუნეში დიდი ცვლილებები განახორციელეს. საქართველოში ქალებმა საარჩევნო უფლება ბევრად ადრე მოიპოვეს, ვიდრე თუნდაც ზოგიერთ განვითარებულ ევროპულ ქვეყანაში ქალებს და მამაკაცებს თანაბარი შესაძლებლობა უნდა ჰქონდეთ ყველა სფეროში,"- აღნიშნა ელჩმა.
ჰაინრიხ ბიოლის ფონდისა და საქართველოს საგარეო საქმეთა სამინისტროს ერთობლივი პროექტი ითვალისწინებს საქართველოს დიპლომატიური მისიების მეშვეობით აღნიშნული ექსპოზიციის მსოფლიოს სხვადასხვა ქვეყანაში მოგზაურობას. გამოფენათა ციკლის პრეზენტაცია საგარეო საქმეთა სამინისტროში 2014 წლის 14 ოქტომბერს გაიმართა. პროქტის ფარგლებში ექსპოზიციას უკვე გაეცნენ შვედეთსა და სლოვაკეთში.
