საქართველოს პრემიერ-მინისტრი ირაკლი ღარიბაშვილი "ღია საზოგადოების ფონდების" დამფუძნებელს ჯორჯ სოროსს შეხვდა. შეხვედრა მთავრობის ადმინისტრაციაში გაიმართა.
შეხვედრის დასრულების შემდეგ, ჯორჯ სოროსმა კომენტარი გააკეთა და განაცხადა, რომ საქართველოს პრემიერ-მინისტრთან ჰქონდა ძალიან საინტერესო შეხვედრა. "ღია საზოგადოების ფონდების" დამფუძნებელმა კმაყოფილებით აღნიშნა, რომ პროდუქტიულად ჩაიარა გუშინ სტუდენტებთან საუბარმაც.
ჯორჯ სოროსი საქართველოს ფონდის 20 წლის იუბილესთან დაკავშირებით ეწვია.
