ახალგაზრდული ორგანიზაცია "თავისუფალი თაობა" რუსთაველის გამზირზე კონტრაქციის გამართვას არ გეგმავს.
როგორც ორგანიზაციის წევრმა ლადო სადღობელაშვილმა "ნაციონალური მოძრაობის" დღევანდელ, საპროტესტო აქციასთან დაკავშირებით გამართულ პრესკონფერენციაზე განაცხადა, მათი აქციაზე გამოჩენა შესაძლოა, დაპირისპირების მაპროვოცირებელი გახდეს.
"ჩვენ დღეს, არანაირ გამოსვლებს და კონტრაქციას არ ვგეგმავთ, გამომდინარე იქედან, რომ კარგად გვესმის, ჩვენი გამოჩენა პარლამენტის მიმდებარე ტერიტორიაზე იქნება შესაძლო დაპირისპირების, ერთგვარი მაპროვოცირებელი"- განაცხადა სადღობელაშვილმა.
,,ნაცმოძრაობის" საპროტესტო აქცია ვარდების მოედანზე დღეს, 16:00 საათზე დაიწყება და 19:00 საათამდე გაგრძელდება.
როგორც "ჯი-ეიჩ-ენ"-ს "ნაციონალური მოძრაობის" წევრმა და აქციის ერთ-ერთმა ორგანიზატორმა გიორგი ვაშაძემ განუცხადა, რუსეთის მიერ საქართველოს ტერიტორიის ოკუპაციასა და ანექსიის მცდელობის გასაპროტესტებლად, რუსთაველზე შეკრებილებს სავარაუდოდ, საქართველოს ყოფილი პრეზიდენტი მიხეილ სააკაშვილი მიმართავს.
