თბილისის საკრებულოს იურიდიულ საკითხთა კომისიამ საკრებულოს დამოუკიდებელი დეპუტატის, ალექსანდრე ელისაშვილის ინიციატივა დაიწუნა. საკიტხი ეხებოდა საკრებულოს ავტოპარკთან დაკავშირებულ საკითხს. კერძოდ, ალეკო ელისაშვილმა აღნიშნა, რომ საკრებულოში 50 დეპუტატია, ხოლო ავტომანქანებით მხოლოდ თანამდებობის პირები, ანუ დაახლოებით დეპუტატთა ნახევარი სარგებლობს, რაც მომხსენებლის თქმით, უსამართლობაა. ამასთანავე, ელისაშვილის თქმით, თანამდებობის პირები საკრებულოს კუთვნილი მანქანებით პირადი მიზნებითაც სარგებლობენ, რის გამოც საწვავზე ძალიან დიდი თანხები იხარჯება. ამიტომ ალექსანდრე ელისაშვილმა მოითხოვა, რომ საკრებულოს ავტოპარკი იყოს საერთო სარგებლობაში, რათა საჭიროების შემთხვევაში ავტომანქანებით თითოეულ დეპუტატს შეეძლოს სარგებლობა და არა მხოლოდ რამდენიმე მათგანს. ამასთანავე, დეპუტატმა განაცხადა, რომ ავტომანქანები სამუშაო დღეებში საკრებულოს ავტოსადგომზე უნდა გაჩერდეს 18.00 საათზე და ასევე შაბათ-კვირასაც უნდა იყოს გაჩერებული, რადგან ამ დღეებში საკრებულო არ მუშაობს და დეპუტატებმა მანქანები პირადი მიზნებისთვის არ უნდა გამოიყენონ.
უმრავლესობის წარმომადგენლების თქმით, ხალხმა ისინი იმისთვის აირჩია, რომ საქმე აკეთონ, ხოლო საქმის კეთებას მათი მობილური გადაადგილება ესაჭიროება, 21-ე საუკუნეში კი მანქანა არა ფუფუნების საგანი, არამედ გადაადგილების საშუალებაა.
