საჯარო რეესტრის ეროვნული სააგენტოს მენეჯმენტი 2015-2018 წლების სტრატეგიულ გეგმაზე მუშაობს. განვითარების გრძელვადიანი სტრატეგიის განსაზღვრა კანონმდებლობით დაკისრებული ფუნქციების ეფექტურად და ორგანიზებულად განხორციელების აუციელებელი წინაპირობაა. ამიტომ, საჯარო რეესტრის ეროვნული სააგენტო სამართლებრივი, პოლიტიკური, ეკონომიკური, სოციალური და ტექნოლოგიური გარემოს გათვალისწინებით შეიმუშავებს სამწლიანი სტრატეგიულ გეგმას, როგორც სისტემის შემდგომი განვითარების ორიენტირს და სახელმძღვანელო დოკუმენტს ოპტიმალური მმართველობითი გადაწყვეტილებების მისაღებად.
2015-2018 წლების სტრატეგიული გეგმის საფუძველზე მოხდება მთელი რიგი ფუნქციების და მომსახურებების დანერგვა, ერთიანი სარეგისტრაციო პრაქტიკის ჩამოყალბება და სისტემის ერთ სტანდარტზე გადასვლა, ტერიტორიული სარეგისტრაციო სამსახურების და არქივების ცენტრალიზაცია. იგეგმება სამისამართო სისტემის მოწესრიგება ქვეყნის მასშტაბით, გეოდეზია-კარტოგრაფიის სფეროს განვითარება, სარეგისტრაციო პროცედურების დახვეწა, მონაცემთა ხარისხის გაუმჯობესება, საინფორმაციო პროდუქტების შექმნა და სხვა.