11 ნოემბერს მხატვარი დევიდ დათუნა თბილისს ეწვია. მანამდე მის მიერ შექმნილი საქართველოს დროშა სპეციალური რეისით ნიუ - იორკიდან საქართველოში ჩამოვიდა. შეგახსენებთ, რომ მხატვრის გადაწყვეტილებით დროშა ქართველ ხალხისთვის განკუთვნილი საჩუქრია და ის სიმბოლურად საქართველოს პრეზიდენტს გადაეცემა.
ცნობისათვის, საქართველოს ეროვნული დროშა დევიდ დათუნას მიერ, ექვსი თვის განმავლობაში იქმნებოდა. მასში ასახულია საქართველოს ისტორიის მნიშვნელოვანი მომენტები, ზედაპირი კი დაფარულია ოპტიკური ლინზებით. რაც სხვადასხვა ადმიანის ხედვას და ქვეყნისადმი დამოკიდებულებას ასახვს.
„ ჩემთვის ძალიან მნიშვნელოვანია ეს დროშა ქართველების გულებში დარჩეს, მე არა ერთი ქვეყნის დროშა შემიქმნია და ზუსტად ახლა ვიგრძენი, რომ საქართველოს დროშის შექმნის მომენტიც დადგა" - აცხადებს დევიდ დათუნა.
დევიდ დათუნას პროექტები ყოველთვის იწვევს მსოფლიოს წამყვანი მედია საშუალებების ინტერეს. CNN, BBC, USA Today, Washington Post, Reuters და სხვა მედია გიგანტები აქტიურად აშუქებენ დათუნას გამოფენებს და ნამუშევრებს. მისმა თბილისში ჩამოსვლამ ასევე საქართველოს მედია საშუალებების დიდი ინტერესი გამოიწვია. ქართულ ტელე არხებზე გავიდა სიუჟეტები მხატვრისა და მისი პროექტის შესახებ, დათუნა არა ერთი გადაცემის სტუმარი იყო, მისი ვრცელი ინტერვიუები წამყვან ჟურნალებში დაიბეჭდება.
„ჩემთვის ძალიან სასიამოვნოა ქართული მედიის ასეთი ყურადღება და დაინტერესება ამ პროექტით. ეს კიდევ ერთხელ ამტკიცებს რაოდენ მნიშვნელოვანია ეს თემა. ჩემთვის როგორც ქართველისთვის, ძალიან სასიამოვნოა, რომ ამერიკელებისა და ევროპელების მერე ქართულ საზოგადოებას ჩემი და ჩემი ნამუშევრების უკეთ გაცნობის საშუალება მიეცემა" - აღნიშნავს დევიდ დათუნა.
მასალის გამოყენების პირობები