დიაბეტის მსოფლიო დღესთან დაკავშირებით სამედიცინო კორპორაცია ევექსის ქსელში არსებული ბათუმის რეფერალური ჰოსპიტალი უფასო აქციას გამართავს. შოთა რუსთაველის უნივერსიტეტში არსებულ ევექსის სასწავლო ცენტრში დღის განმავლობაში ჩატარდება უფასო სკრინინგი და მოსახლეობას საშუალება ექნება განსაზღვროს სისხლში შაქრის დონე.
ასევე, აქციის ფარგლებში დიაბეტის შესახებ ინფორმირებულობის დონის ამაღლების მიზნით სასწავლო ცენტრში გაიმართება პაციენტების სწავლება, კერძოდ, თუ როგორ შეიძლება დიაბეტის გართულებების თავიდან აცილება.
2009-2014 წლების დიაბეტის მსოფლიო დღის თემაა „დიაბეტის შესახებ ინფორმირებულობის შესახებ ცნობიერების ამაღლება და დიაბეტის პრევენცია". ჯანდაცვის მსოფლიო ორგანიზაციის მონაცემებით მსოფლიოში 346 მილიონზე მეტი ადამიანია დაავადებული დიაბეტით.
