13 ოქტომბერს 13:00 საათზე თბილისის მერიაში „ქალაქ თბილისის მუნიციპალიტეტის ტერიტორიაზე გაცემული მშენებლობის ნებართვებთან დაკავშირებული აქტების სამართლებრივი ხარვეზების შემსწავლელი დროებითი კომისიის" პირველი სხდომა გაიმართება.
კომისია ხვალინდელ სხდომაზე დიღმის ტყე-პარკის, ვაკის პარკის და ასათიანის №10-ში მიმდინარე მშენებლობის საკითხები განიხილება.
„ქალაქ თბილისის მუნიციპალიტეტის ტერიტორიაზე გაცემული მშენებლობის ნებართვებთან დაკავშირებული აქტების სამართლებრივი ხარვეზების შემსწავლელი დროებითი კომისია" 5 ნოემბერს თბილისის მთავრობის განკარგულებით შეიქმნა. კომისიას თბილისის მერი, დავით ნარმანია ხელმძღვანელობს. კომისიის შემადგენლობაში თბილისის მერის მოადგილე, ნინა ხატისკაცი, შესაბამისი საქალაქო სამსახურების ხელმძღვანელები, ეკონომიკის სამინისტროსა და საკრებულოს წევრები შედიან.
შეხვედრას, ასევე, დაესწრებიან აღნიშნულ საკითხებზე მომუშავე არასამთავრობო ორგანიზაციების წარმომადგენლები.