უფასო სასადილოებით ბენეფიციართა მომსახურების თანხა 3 მლნ 500 ათასი ლარით გაიზრდება, - განაცხადა თბილისის მერმა დავით ნარმანიამ დედაქალაქის მერიაში გამართულ პრესკონფერენციაზე გააკეთა, სადაც მან 2015 წლის ბიუჯეტის ძირითად პარამეტრებსა და პრიორიტეტებზე ისაუბრა.
თბილისის მერის განმარტებით, 3 ყველა ის ბენეფიციარი, ვინც მიმდინარე და გასულ წლებში სარეზერვო სიებში იყვნენ შეყვანილები, გადავლენ ძირითად სიაში და მიიღებენ მომსახურებას. ჯამური ბიუჯეტი - 13 700 000 ლარი.
ასევე, 700 000 ლარით გაიზრდება სოციალურად დაუცველი მოსახლეობისთვის სერვისების მიწოდება (უფასო სწავლება მოსწავლე ახალგაზრდობის სახლებში, ხელოვნების სკოლებში, სპორტულ სკოლებსა და საცურაო აუზებში). ჯამური ბიუჯეტი - 4 000 000 ლარი.
გაიზრდება ავარიული საცხოვრებელი სახლებში მცხოვრები მოსახლეობის კომპენსაცია. ჯამში ამ მიმართულებით 3 600 000 ლარი დაიხარჯება.
შეგახსენებთ, რომ თბილისის 2015 წლის ბიუჯეტის პროექტი დაახლოებით 800 მლნ ლარია.
